გაკვეთილის თემა	ილია ჭავჭავაძის ბიოგრაფია
სწავლების საფეხური დისციპლინა	IX  კლასი ქართული ენა და ლიტერატურა
მოსწავლეთა რაოდენობა	21 მოსწავლე
აქტივობის მიზნები და მისაღწევი შედეგები	უკვე არსებული ცოდნის გამოყენების უნარის შემოწმება; საჭირო ინფორმაციის მოძიების  უნარის განვითარება; საპრეზენტაციო უნარის განვითარება.
ეროვნული სასწავლო გეგმით განსაზღვრული მისაღწევი შედეგი/ინდიკატორები	შეძლებს ზეპირ გამოსვლას კონკრეტული აუდიტორიის წინაშე მკაფიოდ, ცხადად  და გასაგებად აყალიბებს განსახილველი საკითხის არსს, საკუთარ მოსაზრებას. საუბრობს კონკრეტული თემის სპეციფიკის  შესაბამისი ცნებებით, ტერმინებით,რომლებიც თავადაც კარგად აქვს გააზრებულიდა სხვებს აგებინებს. საკუთარი მოსაზრების გასამყარებლად იყენებს ციტატებსდა სხვადასხვა საინფორმაციორესურსს(ინტერნეტს, ვიდეო მასალას) იყენებს საორგანიზაციო მოდელებს (ქრონოლოგიურ თანამიმდევრობას, მიზეზ–შედეგობრიობას) მსჯელობს იმაზე, თუ როგორ განსაზღვრავს კონკრეტული ეპოქა ლიტერატურულ თემებს, იდეებს, პრობლემატიკას და ინფორმაციის სპეციფიკურობას, აანალიზებს კონკრეტული ეპოქის დამახასიათებელ ნიშნებს და  მათს გავლენას ლიტერატურულ ნაწარმოებში ასახული პრობლემის გადაჭრის გზებზე.
თანმიმდევრობა	აქტივობა 1. მოსწავლეები აანალიზებენ თავის დასაწყისში მოცემულ ილიას სიტყვებს: ,,მოვიკლათ წარსულ დროებზედ დარდი“ (7-8 წთ)   აქტივობა 2. მასწავლებელი სთხოვს გაიხსენონ, რა იციან ილიას ბიოგრაფიიდან და რისი გაგება სურთ და შეავსებენ ცხრილს   ვიცი--მინდა ვიცოდე---გავიგე.    შემდეგ გააანალიზებენ (პრეზენტაცია 10 წთ)    აქტივობა 3. ინდივიდუალურად წაიკითხავენ სახელმძღვანელოში მოცემულ ბიოგრაფიას და ავსებენ მესამე სვეტსაც (12 წთ) მასწავლებელი წარმოადგენს ელექტრონულ პრეზენტაციას -- ილიას ბიოგრაფია (7-8 წთ)    აქტივობა 4. გონებრივი იერიში -- კითხვების საშუალებით მასწავლებელი გაახსენებს რომანტიზმის დამახასიათებელ ნიშნებს , შეადარებინებს ილიას მრწამსთან. (5 წთ) საშინაო დავალება (2 წთ) მოიძიონ მასალა ილიას შესახებ - გადმოწერონ სურათები, ამოკრიბონ ძირითადი მომენტები ილიას ბოგრაფიიდან და პოვერპოინტში წარმოადგინონ პრეზენტაცია.
შეფასება	მასწავლებლის დაკვირვება მოსწავლეთა აქტიურობასა და მუშაობის პროცესზე.
საკლასო მენეჯმენტი/საგანმანათლებლო რესურსები	კომპიუტერი,პროექტორი ინფორმაციის წყარო ნაბეჭდი ტექსტი, სახელმძღვანელო,ელექტრონული ვერსია.

აკაკი წერეთელი -- "ჩემი თავგადასავალი"

1. პროექტის სახელწოდება: აკაკი წერეთელი -- "ჩემი თავგადასავალი"

2. პროექტის მთავარი იდეა (თემა) : აკაკი წერეთლის ავტობიოგრაფიული       მოთხრობა,რომელიც აღწერს მის ცხოვრებას ყრმობიდან.

3. პროექტის აქტუალობა: მოსწავლეები გაეცნობიან აკაკის ბიოგრაფიას,გაიგებენ მე-19 საუკუნის სკოლას, მოსწავლეების მდგომარეობას, მათი აღზრდისა და სწავლების მეთოდებს და გაავლებენ პარალელს დღევანდელობასთან.

4. პროექტის მიზნები: მოსწავლეები ჩაუღრმავდებიან აკაკის ცხოვრებასა და მოღვაწეობას,იმსჯელებენ აკაკისდროინდელ სკოლაზე, მოაწყობენ პრეზენტაციებს.

5. მონაწილეთა ასაკი: 11-12 წელი.

6. ვადები/ხანგრძლივობა: 1 თვე.

7. მოსალოდნელი შედეგები/პროდუქტები,რაც შეიძლება შეიქმნას: ელექტრონული პრეზენტაცია (სლაიდ-შოუ),კედლის გაზეთი.

8. პროექტისთვის საჭირო ძირითადი რესურსები: სახელმძღვანელო,ისტ-ი.

9. პროექტრის მსვლელობა (ძირითადი აქტივობები): მასალის მოძიება ინტერნეტის საშუალებით,ჯგუფური მუშაობა კლასში,პრეზენტაცია.

10. საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: 

      ლიტერატურა: მხატვრული ტექსტის კითხვა და გააზრება,მსჯელობის უნარის განვითარება,სხვადასხვა საშუალების (ბიბლიოთეკა,ინტერნეტი,ენციკლოპედია) გამოყენება.

      ისტორია: ეპოქისა და აკაკის თანამედროვე ცნობილი საზოგადო მოღვაწეების გაცნობა.

      ისტ : ინტერნეტის საშუალებით ინფორმაციის მოძიება და ელექტრონული პრეზენტაციის მომზადება.

11. პროექტის ხელმძღვანელი: თეა ათუაშვილი.

12. ხელმძღვანელის ელ.ფოსტა: atuashvilitea@gmail.com